Tunngaviusut aamma killiliinerit

Immikkoortumi tulliuttumi akit pillugit kisitsisitigut paasissutissanut tunngaviusut aamma kisitsisitigut paasissutissanut killiliinerit, atuartutullu kisitsisit qanoq paasineqarnissaannut sutigut mianersortoqarnersoq allaaserineqarput.

Akinut naleqqersuutip naatsorsuinermi akit ineriartorneri pillugit kisitsimmik ataatsimoortumik nioqqutissat kiffartuussinerillu arlalillit allanngorneri pingaartinneqartarput.

 Pingaartitsinerit atuinerit agguaqatigiissinnerinut inoqutigiit tamarmiusumik atuinernut qanoq annertutigisumik aningaasartuutaanerinut uuttuutaapput. Taamaattumik atuisut ataasiakkaat akornanni annertuumik assigiinngitsoqarsinnaasarpoq, ilaatigut atueriaatsit apeqqutaatillugit.

Naatsorsueqqissaartarfiup akinut naleqqersuutit marluk naatsorsortarpai: Atuisunut akinut naleqqersuut aamma nalimmassaanermi akinut naleqqersuut.

Atuisunut akinut naleqqersuutip takutittarpaa atuisartup nioqqutissianut akiliutigisartagaanut akit ineriartornerat, aamma tassani akitsuutit ilanngunneqarsimapput. Assersuutigalugu ineqarniarnermut akiliutinut isumaqatigiissutillu aaqqiivigineqarnissaanut atorneqartussamik Naatsorsueqqissaartarfiup akinut iluarsiissummut naleqqersuut naatsorsortarpaa, akitsuutit tapiissutillu piiarneqarsimallutik.

Akinut iluarsiissummut naleqqersuut taamaasilluni niuerfinni aalajangerneqartunik akinut allannguinerni ersiutaanerpaasarpoq.